Pre-trial brief ng Kamara, natanggap na ng Senado

PORMAL nang isinumite ni House Secretary-General Cheloy Garafil sa Impeachment Court ang pre-trial brief na ikinasa ng House prosecution panel alinsunod sa atas ng senado kaugnay na nalalapit na pag-arangkada ng paglilitis kay Vice President Sara Duterte.

“House Secretary General Atty. Cheloy V. Garafil formally filed the prosecution panel’s pre-trial brief before the Senate impeachment court at 5:20 p.m. today,” saad sa abiso ng Kamara.

Sa isang kalatas, kinumpirma naman ni Senate Secretary General Renato Bantug na natanggap na ng senado ang dokumentong ipinasa ni Garafil.

Nakapaloob sa pre-trial brief ang “proposed stipulations of fact,” talaan ng mga testigo at mga “documentary evidence” na ipiprisinta ng tagausig sa sandaling magsimula ang pagdinig.

Nakatakdang humarap ang mga House prosecutors sa Pre-Trial conference sa Huwebes, June 18, 2026. Sa pagtataya ni House lead prosecutor Gerville Luistro, posibleng abutin ng tatlong araw ang pagbusisi ng senado sa mga isinumiteng documento.