Louie Legarda 
TILA wala nang katapusan ang talaan ng mga sumasambulat na bulilyaso ni Health Secretary Teodoro Herbosa.
Sa isang Facebook post, ibinunyag ng beteranong peryodista ang plano ni Herbosa na itapon nang palihim ang nasa P250 milyong halaga ng mga gamot na binili ng Department of Health (DOH).
Ayon kay Ramon Tulfo, tuluyang nag-expire ang mga gamot na labis sa supply na kailangan ng ahensya.
“The Department of Health is throwing away P250 million worth of medicines because they have expired,” saad sa isang bahagi ng Facebook post ni Tulfo
Pag-amin ni Tulfo, mismong mga kawani ng kagawaran ang nakabisto sa plano ni Herbosa.
“My tweety said the disposal of the expired medicines was supposed to be held in secret. But somehow, some DOH insiders got wind of the secret,” dugtong ng dating kolumnista.
“The medicines, which will be buried, were bought by Health Secretary Ted Herbosa. According to the tweet-tweet the medicines were excess or oversupply of what DOH needed,” aniya pa.
“That’s a quarter of a billion gone to waste!”
Wala pang tugon ang tanggapan ni Herbosa hinggil sa naturang isyu.
