.. 
Ni ROMEO ALLAN BUTUYAN II
TIWALA si Surigao del Norte Rep. Robert Ace Barbers sa bisa ng Resolution of Both Houses No. 7 (RBH 7), tuluyang mabubura ang agam-agam hinggil sa di umano’y political aspect na isinusulong sa likod ng pag-amyenda sa ‘restrictive’ economic provisions ng 1987 Constitution.
“The filing of Resolution of Both Houses No. 7 in the House of Representatives that seeks to amend the restrictive economic provisions of the Constitution should finally lay to rest all fears that lawmakers may include political amendments to the 37-year-old Charter,’ diin ni Barbers, na tumatayong chairman ng House Committee on Dangerous Drugs.
“Napaka-importante na ito ay pag-usapan because amendment ito sa Saligang Batas. It would be proper that the Committee of the Whole, lahat ng miyembro ng Kongreso, ay mapag-usapan ito at i-elevate ang level of discourse, discussion and debate dun sa usapin na sa aming paniniwala ay maaaring makatulong sa ating ekonomiya: (ang) pag-amyenda ng economic provisions para patunay na wala pong nag-iisip na magkaroon ng political provision amendment sa ating Saligang Batas,” paliwanag ng Mindanaoan solon.
“That is the reason why a Committee of the Whole is necessary, para mawala po ang agam-agam at pangamba ng ibang mga kasamahan natin at lalong lalo na ang mga kaibigan natin sa Senado tungkol dito,” dugtong ni Barbers.
Isinalang kahapon sa plenaryo ang ng Kamara ang RBH No. 7, na iniakda nina Barbers, Senior Deputy Speaker Aurelio “Dong” Gonzales, House Majority Leader Manuel Jose “Mannix” Dalipe, Deputy Speakers Kristine Singson-Meehan at Antonio “Tonypet” Albano, Senior Majority Leader Ferdinand Alexander Marcos, Reps. Yedda K. Romualdez at Jude Acidre ng Tingog partylist, House Committee on Agriculture and Food Chairman Rep. Wilfrido Mark Enverga (Quezon 1st Dist.), Bicol Saro party-list Rep. Brian Raymund Yamsuan at iba pa.
Ayon sa mga mambabatas, ang nasabing resolusyon ay maaaring talakayin ng lahat ng miyembro ng Kamara, bilang Committee of the Whole, upang mas lalong mapalawak ang deliberasyon hinggil sa isinusulong na pagrebisa sa economic provisions ng Saligang Batas.
Sa panig ni Albano, sinabi niyang magagamit ng Kamara ang nakalap nitong mga mahahalagang kaalaman at impormasyon hinggil sa pagbabago ng Konstitusyon kung saan sa halos bawat Kongreso ay mayroong nagsusulong ng Charter Change o ChaCha.
“This amendment of the Constitution has been discussed by previous Congresses and we will get the knowledge from those caravans, those exhaustive studies, the many types of many roadshows that we’ve already done in the past,” sabi pa ng Isabela 1st District lawmaker.
“The only difference, moving forward, is we have to do this formally. And if we do it in a Constituent Assembly, with the Committee of the Whole on the part of the lower House, this will be an exhaustive hearing,” dagdag pa niya.
Sinabi ni Albano na iimbitahan ng komite ang mga eksperto sa larangan ekonomiya bilang bilang resource persons sa mga pagdinig. Pasok din target isalang ang mga economic managers at kasapi ng iba’t-ibang business chambers.
“Pati yung mga umaangal at tumututol dito sa provisions, we want to hear from them so that we can learn what provisions of the law we can improve for this Constitution. Again … this is not a fast-track method, this will be debated in plenary exhaustively like any other bills, especially … the Constitution,” ani pa ni Albano.
“We need this badly,” giit naman ng House Deputy Speaker.
