DALAWANG araw matapos ang pormal na paghahayag sa 12 nanalong senador, iprinoklama naman ng Commission on Elections (Comelec) ngayong Lunes ang 52 part-list groups na nanalo sa katatapos na halalan. Sa proklamasyon na idinaos sa Manila Hotel Tent City, hindi isinama ang Duterte Youth na nakakuha ng tatlong upuan para maging kinatawan sa Kamara de Representantes, at ang Bagong Henerasyon na may isang upuan. Ang Akbayan Partylist, ang nakakuha ng pinakamaraming boto — higit pa sa antas na kailangan para sa tatlong nominado ng grupo. Tatlong upuan din ang nakuha ng Tingog Partylist, na ang kasalukuyang kinatawan ay si Representative Yedda Romualdez, na asawa ni House Speaker Martin Romualdez. Bagamat nakakuha ng 2.3 milyong boto ang Duterte Youth, etsa-pwera ang naturang grupo bunsod ng legal na usapin kaugnay ng partylist registration na isinumite anim na taon na ang nakalipas. Pasok din sa talaan ng mga waging partylist groups ang 4Ps, ACT-CIS at Ako Bicol na may tig-dalawang congressional seats. Tig-isang kinatawan naman sa Kamara ang mga sumusunod: USWAG-llonggo Solid North Trabaho Cibac Malasakit@Bayanihan Senior Citizen PPP ML FPJ Panday Bayanihan United Senior Citizens 4K LPGMA COOP-NATCCO AKO BISAYA CWS PINOY WORKERS AGAP ASENSO PINOY AGIMAT TGP SAGIP ALONA 1-RIDER PARTYLIST KAMANGGAGAWA GP (GALING SA PUSO) KAMALAYAN BICOL SARO KUSUG TAUSUG ACT-TEACHERS ONE COOP KM NGAYON NA ABAMIN TUCP KABATAAN APEC MAGBUBUKID 1TAHANAN AKO ILOCANO AKO MANILA TEACHERS NANAY KAPUSO PM SSS-GSIS PENSYONADO DUMPER PTDA ABANG LINGKOD PUSONG PINOY SWERTE PHILRECA Bagamat, sapat ang kabuuang bilang ng boto, hindi rin nakasama sa mga proklamado ang Bagong Henerasyon partylist group na nahaharap sa kasong paglabag sa Omnibus Election Code. Facebook Twitter/X LinkedIn Post navigation Duterte Youth, BH partylist, etsapwera sa proklamasyon Dito Telecoms kanlungan ng 400 Chinese spies?
