admin 
SA hangaring tuluyang puksain ang mga sindikatong dahilan kung bakit nakasama ang Pilipinas sa ‘grey list’ ng mga bansang kanlungan ng money laundering, isinusulong sa Kamara ang dalawang panukalang batas na magbibigay ng karagdagang poder sa Bureau of Customs (BOC).
Sa ilalim ng House Bill 374 at 3245, bibigyan ng ‘police power’ ang BOC na makakuha ng mga sensitibong impormasyon hinggil sa mga grupo at indibidwal na pinaniniwalaang sangkot sa money laundering.
“Under the measure, the Bureau of Customs (BOC) would be authorized to obtain information from a person found to have committed a false declaration or non-declaration of a foreign currency or foreign currency-denominated bearer monetary instrument,” ayon kay House Ways and Means Committee chairman Joey Salceda.
Bahagi rin ng mga naturang panukala ang kapangyarihan sa BOC na dakpin ang mga tao – Pinoy man o dayuhang minsang nasangkot sa pagpupuslit ng mga ‘foreign currencies,’ batay sa hiling ng Financial Action Task Force (FATF) ng Association of Southeast Asian Nations (ASEAN).
Bukod sa pagsupil sa mga money laundering syndicates, inaasahan rin ang dagdag pondo sa bisa ng isinusulong na multa sa ilalim ng mga tinutulak na panukala.
Lumikha na rin aniya ng technical working group (TWG) na babalangkas ng mga panuntunan sa multang ipapataw sa mga lalabag sa loob at labas ng bansa.
Sa pagdinig ng komite, inilahad ng kongresista ang aniya’y mekanismong magbibigay-daan sa sa mababang singil sa mga overseas Filipino workers (OFW) sa kanilang perang padala sa kani-kanilang pamilya.
“It would safeguard the country against dirty money and improve the credibility of our financial system, lowering remittance costs for OFWs especially in Europe.”
“As of February 24, 2023, we are the only ASEAN country in the Financial Action Task Force’s gray list of countries under increased observation. That means, in countries especially in Europe, banks take more time to evaluate money transfers to the Philippines because we are considered high-risk for terrorist financing and organized crime,” aniya.
“By being a hub for money laundering and cash smuggling through our porous security systems and our inadequate policy framework for cash smuggling, we risk being, yet again, included in the list of countries under observation by FATF,” dagdag pa ng kongresista.
Para kay Salceda, lubhang apektado ang ekonomiya ng Pilipinas kung mananatili sa grey list ng ASEAN ang bansa, kasabay ng giit para sa pagpapalawak ng saklaw ng Anti-Money Laundering Act of 2001.
Partikular na isinusulong ang probisyon para sa ‘one-time cash transports of more than PHP500,000 at any one time.’
