Romer Butuyan 
HUMIHINGI ng kabuuang P25-milyong danyos si Lanao del Sur 1st District Rep. Zia Alonto Adiong sa cyberlibel complaint na isinampa sa Office of the City Prosecutor ng Marawi City laban kina Atty. Levito Baligod at 18 nagpakilalang former Marine officers.
Batay sa complaint-affidavit, hayagang kinastigo ni Alonto Adiong na tumatayong chairman House Committee on Suffrage and Electoral Reforms at tagapagsalita ng House prosecution panel, ang aniya’y at malisyosong alegasyon.
Giit ng kongresista mula sa Lanao del Sur, walang katotohanan ang paratang na sanhi ng dinaranas na “severe mental anguish, besmirched his reputation, and subjected to widespread social humiliation.”
Hirit ng mambabatas, magbayad-danyos ang grupo ni Baligod ng P20 milyon bilang moral damages at P5 milyon para sa exemplary damages.
Matatandaan na sa isang press conference noong Pebrero 24, 2026, isiniwalat ni Baligod ang pagkakaroon ng isang joint affidavit na naglalahad sa umano’y multi billion-peso kickback scheme kaugnay ng maanimalyang control projects.
Kumalat din sa online at social media platforms ang bahagi ng naturang joint affidavit.
Sa nasabing dokumento, tinukoy si Alonto Adiong na kabilang diumano sa hanay ng mga mambabatas na dinalan ng male-maletang perang kickback sa maanomalyang proyekto.
“The accusations hurled against me by the Respondents are absolute fabrications, total falsehoods, and malicious inventions,” mariing tugon ni Alonto Adiong sa complaint affidavit.
“I have never met any of these eighteen (18) individuals, I have never received any suitcase of cash from anyone, and I have absolutely no involvement in the anomalous transactions they describe,” dagdag niya.
“Respondents acted with actual malice because they published an unverified, logistically impossible narrative with reckless disregard for whether it was true or false,” saad pa sa affidavit ng kongresista.
