.. 
HINDI na dapat madagdagan pa ang bilang ng mga trigger-happy sa lansangan, ayon kay Surigao del Norte Rep. Robert Ace Barbers kasabay ng hirit sa Kongreso na ibalik na ang parusang kamatayan para sa mga kasong pasok sa kategorya ng “heinous crime.”
Partikular na tinukoy ni Barbers ang insidente ng pamamaril ng isang Gerrald Raymund Yu sa family driver na si Aniceto Mateo matapos magkagitgitan sa kahabaan ng EDSA Ayala tunnel sa lungsod ng Makati kamakailan.
“The justice system must not relax its processes. The PNP must ensure that thorough investigation is conducted and the guilty perpetrator is put behind bars,” wika ni Barbers sa isang pahayag.
“We must never put our guard down and make sure that the suspect will not be able to exert any pressure or influence in the investigation up to the conclusion of this case. All eyes are on our law enforcement agencies and the judiciary to ensure that justice will be served,” dugtong ng kongresista.
Para kay Barbers, ngayon higit kailanpaman dapat ibalik ang kaayusan sa mga lansangan at ang tanging paraan aniya ay ibalik ang death penalty para sa mga kasong pasok sa kAtegorya ng heinous crime.
“If we are to save the future generations, we have to show them the right way of governance. Leniency and indifference will erode confidence and faith in government. Already we have seen how these criminals run roughshod over our laws because they know that they can get away with it with their money and influence.”
Dapat din aniyang silipin ng Philippine National Police kung paano nakakuha ng baril at lisensya ang suspek.
“Gun ownership should be very well reviewed and must be strictly monitored. In the hands of criminals, the innocent people will be the victims. The state has the duty of protecting the people and strictly limiting gun ownership is a critical part of that responsibility.”
Samantala, sinuspinde na ng Land Transportation Office (LTO) ang driver’s license ni Yu na nadakip sa isinagawang operasyon ng mga operatiba ng PNP kamakailan sa Pasig City.
