DOJ umamin, Zaldy Co di inaresto sa Czech Republic

KUNG pagbabatayan ang pinakahuling impormasyong ibinahagi ng Department of Justice (DOJ), lumalabas na “fake news” ang anunsyo ni Pangulong Ferdinand Marcos Jr. hinggil sa sinasabing pagka-aresto kay dating Ako Bicol Rep. Zaldy Co.

Paglilinaw ng DOJ, hindi inaresto si Co sa Czech Republic kundi nilimitahan lang ang kanyang kalayaan dahil sa bunsod ng umano’y paglabag sa immigration law sa naturang bansa.

Ayon kay DOJ Spokesperson Polo Martinez, ang nangyari kay Co ay katulad ng sitwasyon sa airport kung saan hindi pinapasok o pinigilan ang isang pasahero dahil sa kakulangan sa dokumento.

“For analogy, it’s similar to a situation in the airport where the person arrives and immigration denies entry or excludes the person,” paliwanag ni Martinez.

“Technically, not arrested but there is a deprivation of liberty to a certain degree,” dugtong ng DOJ official.