.. 
WALANG palulusutin sa bisa ng mas pinaigting na kampanya ng Bureau of Internal Revenue (BIR) ang mga mandaraya — kung hindi man umiiwas sa pagbabayad ng tamang buwis sa pamahalaan.
Kasunod ng pagsasampa ng P176-million tax evasion case laban sa Hilmarc’s Construction Corporation bunsod ng paggamit ng “ghost receipts,” tiniyak ni BIR Commissioner Romeo Lumagui Jr. na pananagutin ng kawanihan, sa tulong ng Department of Justice (DOJ) ang mga hindi nagbabayad ng tamang buwis, kesehodang prominenteng negosyante, dambuhalang kumpanya at kahit pa opisyales ng gobyerno.
Higit na kilala ang Hilmarc’s Construction Corporation na isa sa mga pinakamalaking kontratista sa mga proyekto ng gobyerno.
“The BIR has repeatedly warned the public not to use Ghost Receipts. We will file tax evasion charges against you. You will be arrested. Even if you are one of the largest government contractors in the country,” mariing pahayag ni Lumagui.
“The BIR is grateful to the DOJ for its steadfast commitment in our war against Ghost Receipts. Together, we will make sure that under this administration, this tax evasion scheme will end,” dagdag pa ng BIR chief.
Nabatid kay Lumagui na walong kasong kriminal ang inihain ng DOJ sa Court of Tax Appeals (CTA) laban sa Hilmarc’s at corporate officers kabilang sina Efren M. Canlas, Robert B. Henson, at Cristina Elisse F. Canlas.
Tinukoy ng BIR ang asuntong kinakaharap ng mga akusado na paglabag sa Sections 254 at 255 ng National Internal Revenue Code (NIRC) kung saan inaasahan din ang agad na paglabas ng mandamiento de arresto laban sa mga negosyanteng bulilyaso.
Nag-ugat ang kaso imbestigasyon ng BIR Run After Fake Transactions (RAFT) Task Force, na nabunyag ang mga anomalya ng Hilmarc sa pagbabayad ng buwis noong 2013 at 2014.
Diumano, ang nasabing construction firm ay nag-isyu ng mga resibo sa Everpacific Incorporated at Unimaker Enterprises, Inc. para mapababa ang claim sa Income Tax Returns.
Bukod sa kahaharaping criminal prosecution, ang Hilmarc’s ay mayroong ding malaking tax liability, na aabot sa halagang ₱176,363,284.77.
Para kay Lumagui, malaking bentahe ang mas mataas na antas ng apgtugis ng pamahalaan sa mga tax evaders. Katunayan aniya, nakamit ng BIR ang aniya’y record-breaking increase sa VAT collections at nakatulong upang maabot ang DBCC collection goal para sa taong 2024.
“The BIR’s War against Ghost Receipts led the way in achieving our DBCC collection goal for 2024. We experienced a historic increase in VAT collection because of our RAFT task force.”
“Government contractors, who are profiting from taxes being paid by dutiful and compliant taxpayers, should not be using Ghost Receipts. You are already earning profit from contracts funded by tax collections. The least you can do is be compliant with your tax obligations, and not evade taxes through Ghost Receipts,” pahabol ni Lumagui.
