Estong Reyes 
ATRASADO na nga, wala pang alam. Ito ang paglalarawan ng mga senador sa hepe ng Bureau of Fisheries and Aquatic Resources (BFAR) matapos walang mapigang impormasyon hinggil sa mga usapin sa naturang kawanihan.
Hindi rin pinalampas ni Senador Kiko Pangilinan at Senador Erwin Tulfo ang pagliban ni BFAR Director Elizer Salilig sa paanyayang pagdalo sa pagdinig ng Committee on Agriculture, Food and Agrarian Reform noong ika-18 ng Pebrero ng kasalukuyang taon.
Bukod kay Salilig, sinermunan din ang mga dumalong kinatawan ng Department of Agriculture (DA).
Kapwa kinuwestiyon nina Pangilinan at Tulfo ang prayoridad at antas ng kakayahan ng mga opisyal dahil hindi maipaliwanag ang ilang mga usaping tinalakay sa pagdinig.
“They were not just late, they were also unable to answer our questions and were not prepared,” ani Pangilinan, chairman ng committee, sa pagsisimula ng pagdinig nitong Huwebes.
Tinutukoy ni Pangilinan si BFAR Assistant Director Isidro Velayo, na dumalo sa huling pagdinig dahil nabigong dumalo si Salilig na piniling siputin ang pagdinig ng Kamara sa kahalintulad na isyu.
“If you think you can behave like this before Senate committees, you are mistaken. This should serve as a lesson to everyone,” aniya.
Bagamat aminadong nakatanggap ng show-cause order, nangatwiran si Salilig parehong petsa at oras ang patawag ng dalawang kapulungan.
Bukod sa pagdinig ng Senado, imbitado din umano sila sa pulong sa kinatawan ng United States Department of State Bureau of Oceans and International Environmental and Scientific Affairs.
Dito na sumabat si Tulfo. Kinuwestiyon ng senador ang desisyon ng BFAR na bigyang prayoridad ang ibang imbitasyon.
“It seems you treated this committee as your third priority. You prioritized the United States first, then the House of Representatives, and we came last?” ani Tulfo.
“Surely you are not fools or idiots at BFAR that you cannot answer when you are being asked to respond. Either you are slow-headed, incompetent, or you deliberately avoided answering because you have no excuse,” dagdag ng senador kasabay ng bantang i-cite in contempt.
Iginiit naman ni Pangilinan na hindi siya naniniwalang incompetent ang hepe ng BFAR kaya’t inatasan nitong makipagpulong sa staff ng komite.
“I do not wish to think the BFAR is incompetent,” ani Pangilinan.
“Because there were many issues we mentioned in the show-cause order that you did not answer directly. Prior to that, the representatives you sent were also unable to respond. I hope this is not an indicator of the bureau’s incompetence,” diin ng senador.
Humingi ng paumanhin si Salilig sa komite.
