.. 
MARUMING pulitika ang tanging dahilan sa likod ng pagsibak kay Vice President Sara Duterte sa National Security Council (NSC), ayon kay for chief presidential legal counsel Salvador Panelo.
“Removal of VP Sara [Duterte] as a member of the National Security Council is an ill-advised presidential move… it smacks of dirty politics. Another brazen measure to diminish the political star power of VP Sara,” wika Panelo.
Partikular na tinukoy ni Panelo ang Executive Order No. 81 ni Pangulong Ferdinand Marcos Jr. Marcos na nagbigay daan sa balasahan sa NSC.
Bukod kay VP Sara, laglag din bilang miyembro ng NSC ang mga dating Pangulo — Gloria Macapagal-Arroyo at Rodrigo Duterte. Higit na kilala si Arroyo na malapit sa mga Duterte.
Katwiran ni Marcos, dapat titakin matatag ang NSC sa gitna ng mga kinakaharap na hamon sa loob at labas ng bansa, kasabay ng giit na tiyakin may integridad at pinanindigan ang mga miyembro para sa “national security and sovereignty.”
Sa panig ni Executive Secretary Lucas Bersamin, wala naman aniyang importanteng papel ang pangalawang pangulo sa usapin ng national security.
“The Vice President is not considered relevant to the responsibilities of membership in the NSC.’’
