Romer Butuyan 
SUMIPOT man o hindi ni Vice President Sara Duterte, siguradong tuloy ang Impeachment trial sa Senado.
Para kay House impeachment prosecutor at Manila Rep. Joel Chua, hindi magiging dahilan para huwag matuloy ang pagdinig ng Senate impeachment court sa kasong kinakaharap ng pangalawang pangulo.
Batay aniya sa rules of procedure na kalakip ng impeachment trials sa ilalim ng 20th Congress, alinsunod na rin sa Senate Resolution 39, dalawang bagay ang dapat gawin ng bise presidente matapos siyang isyuhan ng writ of summons.
“The impeachment court issued a writ of summons because the writ of summons, dalawa ang purpose niyan. One is for the vice president to appear before the impeachment court and the other one for her to submit the answer within 10 days,” paliwanag ni Chua.
Dagdag ng impeachment prosecutor, “Duterte may choose to personally appear, authorize her lawyers to appear on her behalf, or decline to participate altogether as part of her legal strategy.”
Sakaling wala kahit sino sa kampo ng nasasakdal ang sumipot sa impeachment trial, sinabi ni Chua na awtomatikong ang Senate impeachment court ang siyang mag-enter ng plea na not guilty para sa una at tuloy pa rin ang proceedings.
Aniya, matapos naman nito ay itatakda ng korte ang pagsasagawa ng pre-trial kung saan tutukuyin ang bawat ebidensya, mga testigo at iba pang trial issues bago simulan ang pormal na pagdinig.
“The purpose of the pre-trial is to prevent surprises,” dugtong ni Chua.
Hinggil naman sa tanong kung biglang magbitiw sa pwesto ang bise presidente, sinabi ni House lead prosecutor at Batangas Rep. Rep. Gerville “Jinky Bitrics” Luistro na wala pa ring epekto ito sa inaabangang impeachment trial.
“We have to remember that there are two principal penalties in case the respondent in an impeachment case is convicted. These two principal penalties are removal and perpetual disqualification,” bungad ng chairperson ng House Committee on Justice.
“While resignation from office will render moot and academic the penalty of removal, it is my position that we need to continue the trial for the senator-judges to be able to determine whether or not they will impose as well the penalty of perpetual disqualification,” dagdag niya.
Nilinaw naman ni Luistro na ito ay personal na opinyon lamang niya at hindi ng kanilang grupo.
Sinang-ayunan naman ni Akbayan Party-list Rep. Chel Diokno, na miyembro ng House prosecution team ang posisyon ng lady panel head.
“It’s of course a very valid observation made by our chair,” diin pa ni Diokno.
Sa Articles of Impeachment, nakapaloob ang mga akusasyon sa bise presidente na maling paggamit ng P612.5 million confidential funds, bigong pagdedeklara sa Statements of Assets, Liabilities and Net Worth (SALNs) nito ng iba’t-ibang yaman at bank transactions, panunuhol sa panahong siya ang Education secretary, at ang pagbabanta sa buhay nina President Ferdinand Marcos Jr., First Lady Liza Araneta-Marcos at former Speaker Martin Romualdez.
