.. 
Ni ESTONG REYES
KINASTIGO ng pamunuan ng Senado ang pamunuan ng Philippine Health Insurance Corporation (PhilHealth) hinggil sa sinaunang pakahulugan ng salitang “indigent” na basehan sa serbisyong mandato ng naturang tanggan ng gobyerno.
Sa isang pahayag, sinabi ni Senate President Francis Escudero na dapat angkop sa makabagong panahon ang pamantayan na ginagamit ng PhilHeath para sa pagtataya ng halagang kakarguhin ng mga miyembrong nasa mga pagamutan para magpagamot ng karamdaman.
Aniya, kung pag-uusapan ang kalusugan ng mamamayan, magkakaroon ng mas makabagong pakahulugan ang salitang indigent.
“Any person who is sick or who has a family member or loved one suffering from cancer, heart, kidney or lung disease is considered an indigent,” ayon kay Escudero.
“Even if that individual is earning 28,000 pesos, 68,000 pesos or even 100,000 pesos per month, given the daily expenses for food, housing, medicines and other bills, that person is cancer indigent, heart disease indigent, lung disease indigent or kidney failure indigent. This should be the new outlook of the government toward healthcare,” giit pa niya.
Sa kasalukuyang pagkilos na iakma ang case rates ng mga “in-patient members,” iminunfkasi ng lider ng senado sa PhilHealth na tignan ng naturang ahensya ang halaga ng buwanang kontribusyon ng miyembro.
Katulad ng nangyayari sa ilang produktong insurance, inamin ni Escudero na nagkakatalo ang antas ng nakukuhang benepisyo kung magkano ang ibinabayad na premium ng kliyente.
Sa ginanap na pagdinig ng Committee on Health, kinuwestyon ni Escudero ang ilang PhilHealth officials kung tinuos kung magkano ang benepisyong makukuha dapat ng isang miyembro.
“Bakit hindi tumugma ‘yung actuarial study ng kontribusyon doon sa benepisyo na binibigay? After several questions, bakit ganon kadali magsabing 30 percent? Bakit hindi 50 percent? Bakit hindi 100%? Is there an actuarial study that is based on?” ayon kay Escudero.
Aniya pa, pinagbabasehan ng PhilHealth ang antas ng kontribusyon ng empleadyo sa halaga ng sweldo na kanilang natatanggap,, kuwestiyonable kung bakit may nag-iisang case rate ang ahensya na ipinatutupad sa lahat ng miyembro.
“Bakit yung case rate iisa, magkano man ang kontribusyon mo? Parang ‘yun pa lang may mali na. Hindi ba ang tipikal na insurance, sa pribado bibili ka ng package at depende sa premium na binayaran mo, ‘yun ang makukuha mong benepisyo. Bakit sa Philhealth ‘yung case rate ay aplikable sa lahat kahit magkano ‘yung kontribusyon mo? Baka ‘yan ang rason kung bakit nakaipon ng ganyan kalaking reserves din ang PhilHealth,” paliwanag pa niya.
Sinimulan ng PhilHealth ang implementasyon ng All Case Rates Policy noong 2013 kapag na fee-for-service provider mechanism.
“For most employees of government for instance, they are not considered indigent. Whatever amount they earn, it’s never going to be enough to pay the medical expenses if you’re a cancer patient or if you need a heart operation,” ayon kay Escudero.
“Kaya ‘yung lumang concept natin na indigent lang tutulungan, sa totoo lang kahit sino na may kamag-anak na magkakasakit na seryoso tulad ng cancer o sakit sa puso, hindi po sapat yung sweldo kahit isandaang libo pa yan kada buwan dahil ginagastos mo rin yun,” dagdag ng Senate President.
Hirit pa ni Escudero, may sapat na pondo ang PhilHealath na sakupin ang adjustment sa case rates na nakikita naman sa lumulobong reserve fund sa loob ng maraming taon.
