.. 
MASUSUKAT ang husay ni dating Presidential Spokesperson Harry Roque sa talastasan matapos imbitahan ng Kamara para magbigay linaw sa “gentleman’s agreement” na kanyang isiniwalat sa pagitan ng China at ni former President Rodrigo Duterte.
Bukod kay Roque, inanyayahan din ng House Committee on National Defense at Special Committee on the West Philippine Sea si Gen. Voltaire Gazmin na nagsilbing Secretary ng Department of National Defense sa panahon ni Duterte..
Ayon kay defense committee vice chairman at Iloilo Rep. Raul Tupas, inaasahan ang pagdalo ng dalawang dating Kalihim ni Duterte.
“Nagpalabas na po ng invitation ang ating joint committee, pirmado po ng chairman ng West Philippine Sea and atin po as acting chairman. I am representing Cong. Oca Malapitan dahil he is still out of the country. Nagpalabas na po ng invitation in our next hearing para po kay former presidential spokesperson, Atty. Roque, as well as the former secretary of defense, Gazmin,” kumpirmasyon ni Tupas.
