.. 
SAMA-SAMA naghayag ng pagkilala kay House Speaker Martin Romualdez ang mga prominenteng lider kongresista ng Kamara sa mataas na public approval ratings na resulta anila matatag na pamumuno.
“Speaker Romualdez leads by example – masipag, masinsin magtrabaho at nakatuon sa kapakanan ng mga Pilipino. His leadership encourages everyone in the House to follow his lead in working tirelessly for the people,” nagkakaisang pahayag nina Senior Deputy Speaker Aurelio “Dong” Gonzales, Deputy Speaker David “Jayjay” Suarez at Majority Leader Manuel Jose “Mannix” M. Dalipe.
Nagawa anilang maipasa ng Kamara ang mga makabuluhang panukala – “Many of these laws are landmark legislation and reflect on a legislative body that is efficient, effective and dedicated to the needs of the Filipino people.”
Base sa Tugon ng Masa (TNM) survey na isinagawa ng OCTA Research mula noong November 10 hanggang 16, 2024, si nakasungkit ng 58 percent trust rating si Romualdez – bukod pa sa performance rating na pumalo sa 59 percent.
Pinuri rin nina Quad Comm leaders Reps. Robert Ace Barbers, Dan Fernandez, Joseph Stephen “Caraps” Paduano, Bienvenido “Benny” Abante, Romeo Acop, Jonathan Keith Flores, Johnny Ty Pimentel, at Gerville “Jinky Bitrics” Luistro, ang lider ng Kamara sa pagbibigay prayoridad sa pagkakaroon ng “accountability” at “good governance” sa bisa ng oversight functions.
“Speaker Romualdez ensures transparency and integrity in governance. His guidance has allowed us to investigate and address critical issues such as agricultural smuggling, anomalies in power costs and the misuse of public funds,” anila.
Kabilang sa mga tinukoy na dahilan sa pagsipa ng tiwala ng masa kay Romualdez ang mga pagdinig na kalakip ng pagsisiyasat ng Kamara sa maling paggamit sa confidential fund, ilegal na operasyon ng Philippine Offshore Gaming Operators (POGOs), na iniuugnay din sa iba’t-ibang financial crimes at illicit activities.
“These investigations reflect the Speaker’s commitment to ensuring that public funds and resources are used responsibly,” dagdag nila.
“Speaker Romualdez empowers us to contribute meaningfully to the legislative process. He inspires the younger generation of lawmakers to actively champion the causes closest to the hearts of our people,” wika naman ng “Young Guns” na kinabibilangan nina Reps. Pammy Zamora, Zia Alonto Adiong, PM Vargas, Ernesto “Ernix” Dionisio Jr., Lordan Suan, Rodge Gutierrez, Jude Acidre, Jay Khonghun, Inno Dy V, Paolo Ortega V, Jil Bongalon, Mika Suansing, Migs Nograles, at Cheeno Almario
“Sa ilalim ng liderato ni Speaker Romualdez, nagkaroon kami ng mas malaking boses para itaguyod ang aming mga adhikain at saloobin, kasama na ang aming mga ipinaglalaban panukalang batas,” diin ng mga batang mambabatas.
Sa ilalim ng kumpas ni Romualdez, nakapagtala ng “historic legislative milestones” ang Kamara sa pag-proseso ng mahigit sa 4,760 proposed measures at pagsasabatas 66 mga panukala sa loob lamang ng 178 session days.
Ibinida rin ng mga kongresista ang ibayong pagsusulong ng reporma o pagbabago sa sektor ng edukasyon, kalusugan at pagpapalakas ng ekonomiya ng bansa, na dama ng mga sektor sa laylayan ng lipunan — suporta sa micro, small and medium enterprises (MSMEs), pagpapabuti sa universal healthcare at pagpapalakas sa disaster preparedness sa pamamagitan ng National Flood Control Plan.
“Speaker Romualdez has been instrumental in pushing these bills forward. His unity-driven leadership transcends political affiliations. Ang mahalaga sa kanya ay mabigyan ng konkretong solusyon ang mga problema ng ating bayan,” sambit pa ng mga mambabatas.
“Speaker Romualdez ensures that every voice is heard, making the House of Representatives a platform for collaboration and nation-building. He leads not only with vision but also with action. He has set a standard for leadership that inspires everyone to work harder for the Filipino people.” (Romeo Allan Butuyan II)
