.. 
KINALAMPAG ni Senador Sherwin Gatchalian ang Department of Health (DOH) upang kumilos laban sa kumakalat na sakit sa loob ng detention cell ng Presidential Anti-Organized Crime Commission (PAOCC) sa Pasay City.
Sa pahayag, sinabi ni Gatchalian na kailangan nang kumilos ng DOH upang masugpo ang hawaan ng sakit sa hanay ng mga foreign POGO workers na nakakulong sa detention facility.
“The spread of contagious diseases among POGO workers in PAOCC custody demands urgent action from the DOH, including immediate containment, quarantine protocols, and the provision of proper healthcare to prevent further transmission,” ani Gatchalian.
“Alternative facilities must be identified to ensure humane detention and effective disease control,” dagdag ng senador.
Dapat aniyang seryosohin ng pamahalaan ang outbreak pero hindi dapat maging hadlang sa pagpapatupad ng batas.
“This health issue, however, must not be used as an excuse to suspend anti-POGO operations. Once cleared by the DOH, these POGO workers must be immediately deported,” aniya.
Binanggit din ni Gatchalian ang kahalagahan ng patuloy na pagsugpo sa illegal POGOs na karaniwang sangkot sa iba’t ibang anyo ng krimentulad ng human trafficking, cyber fraud, at illegal detention.
“Kinakailangang ipagpatuloy ang kampanya laban sa mga POGO nang walang humpay upang tuluyang mapuksa ang kanilang ilegal na gawain, aniya. (ESTONG REYES)
