Karahasan sa Ateneo de Zambo, isinisi sa Roblox

TULAD ng inaasahan, muling umepal ni Interior and Local Government Secretary Jonvic Remulla sa naganap na karahasan sa loob ng isang pamantasan sa lungsod ng Zamboanga.

Sa isang press conference, iginiit ni Remulla na naimpluwensyahan ng larong Roblox ang suspek sa pamamaril sa Ateneo de Zamboanga University noong Martes.

“We still have to do a forensic examination on the gadgets of the shooter. Hindi pa natin alam with certainty but it is with great degree of confidence that he was influenced by the game of Roblox because of the manner in which he did it,” ani Remulla.

“Roblox in itself is not a dangerous game. It is the chat group that is beside it. Doon nagkakaroon ng buyuan, dun nagkakaroon ng radicalization,” dagdag ng Kalihim.

Meron din aniyang impormasyon na lulong sa larong Roblox ang suspek. Gayunpaman, nilinaw ng DiLG chief na kailangan pa hintayin ang resulta ng forensic examination sa mga gadget ng suspek.