.. 
President Rodrigo Roa Duterte introduces Kingdom of Jesus Christ, The Name Above Every Name, Inc. founder and lead Pastor Apollo Quiboloy to Sulu Governor Abdusakur Mahail Tan during his visit to Camp Teodulfo Bautista in Jolo, Sulu on June 4, 2019. ALBERT ALCAIN/PRESIDENTIAL PHOTO
GO signal na lang hinihintay ng nasa 1,000 miyembro ng Philippine National Police – Special Action Force (PNP-SAF) para isakatuparan ang pagkubkob sa Glory Mountain sa Mt. Apo kung saan pinaniniwalaang nagtatago si Kingdom of Jesus Christ founder Pastor Apollo Quiboloy.
Bilang paghahanda, ipinag-utos na rin ng pamahalaan ang pansamantalang pagsasara ng Mt. Apo sa Davao del Sur para sa mga turista.
Gayunpaman, iginiit ng Davao del Sur Tourism Development and Culture Promotions Office na ang direktibang nagtutulak sa pansamantalang pagsasara ng Mt. Apo ay naglalayong “pagpahingahin lang muna” ang kabundukan.
“Let’s give our beloved peak the time it needs to flourish. Thank you for your understanding and commitment to conservation,” ayon sa pamahalaang panlalawigan ng Davao del Sur sa isang pahayag na nakapaskil ng official Facebook page ng probinsya.
Bago pa man isinara sa mga turista ang Mt. Apo, nagpadala ang PNP ng dalawang batalyong miyembro ng special action force sa Davao del Sur para di umano palitan ang sinibak na 40 pulis na nakatalaga sa Davao City.
