.. 
POSIBLENG sampahan ng kasong administratibo ang isang lalaking guro ng pampublikong paaralan matapos makunan ng video ang aktwal na pananakit sa estudyante sa nito lamang nakaraang Pebrero 16 sa Cebu City.
Ayon kay Department of Education – Central Visayas regional director Salustiano Jimenez, kasalukuyan nang iniimbestigahan ang insidenteng nakuhanan ng video na ini-upload ng isang netizen sa social media.
“I already instructed the division’s legal department to conduct an investigation,” ani Jimenez kaugnay ng 20-second viral video ng pananadyak ng lalaking guro sa kanyang estudyante habang sinasabon sa loob ng Don Sergio Osmeña Sr. Memorial National High School.
“Corporal punishment is really a no-no stand for DepEd. We always emphasize positive discipline. We have to correct not by force or physical punishment but in another form,” dagdag pa ng opisyal.
Inabisuhan na rin aniya ng kanyang tanggapan ang hindi pinangalanang guro na huwag muna bumalik sa pagtuturo hanggat hindi pa tapos ang isinasagawang imbestigasyon.
