.. 
HIGIT na angkop lumikha ng isang inter-regional body na tututok sa “long-term” development program sa hilagang Luzon, ayon sa isang kinatawan sa Kamara.
Sa isang pahayag, partikular na isinusulong ni Solid North partylist Rep. Ching Bernos ang paglikha ng Northern Luzon Development Authority (NLDA) na magsisilbing coordinating body para sa mga development program sa Cordillera Administrative Region (CAR), Ilocos Region, at Cagayan Valley Region.
Sa ilalim ng House Bill No. 3109, kabilang sa mga tututukan ng NLDA ang pagpapalakas ng turismo sa naturang rehiyon.
Pagbibigay-diin ng lady lawmaker sa explanatory note ng kanyang proposed measure, kinakailangang magkaroon ng “institutionalized planning and coordination in north.”
“The regions of Northern Luzon—comprising the Cordillera Administrative Region, Ilocos Region, and Cagayan Valley—are endowed with abundant natural resources, cultural richness, and human capital. Despite this, the area continues to face developmental disparities, limited infrastructure, and fragmented governance,” paliwanag ni Bernos.
Ayon sa Solid North partylist solon, bagama’t batid ng mga nakaraang administrasyon ang nasabing problema, sa pamamagitan na rin ng North Luzon Growth Quadrangle, dapat magkaroon ng long-term successor ang unang ipinatupad na mekanismo para hindi mapag-iwanan sa pagsusulong ng kaunlaran ang Northern Luzon.
Batay sa nilalaman ng HB 3109, ang bubuuing NLDA ay magkakaroon ng punong tanggapan sa San Fernando City, La Union, at maglalagay ng satellite offices sa Tuguegarao, Cagayan, at Baguio City. Ang kapangyarihan nito ay hanggang sa loob ng 50 taon, na maaaring palawigin at siyang direktang makikipag-ugnayan sa lokal na pamahalaan, national agencies, private stakeholders, at civil society para sa pagpapabilis ng socio-economic progress.
Isa rin sa pangunahing bahagi ng naturang panukala ang masusing pagtutok ng tourism development ng NLDA bunsod ng malaking potensiyal makalikha ng mas maraming trabaho, pangangalaga sa kultura at pagkakaroon ng inklusibong pag-unlad.
“The Authority will be tasked to identify and promote heritage towns, natural parks, ecotourism areas, cultural landscapes, and coastal and mountain destinations, while also investing in tourism infrastructure like access roads, terminals, accommodations, and visitor centers. It will likewise support community-based tourism groups and small enterprises, particularly those led by women, youth, and indigenous peoples,” paliwanag pa ni Bernos.
“By harmonizing our regional strengths under one framework, Northern Luzon can finally stand out as a unified hub of tourism, culture, and development,” mariing pahayag pa ng kongresista. (ROMEO ALLAN BUTUYAN II)
