.. 
BAGO pa man tuluyang gibain, minabuti ni National Bureau of Investigation Director Jimmy Santiago na magbitiw sa pwesto.
Pag-amin ni Santiago, may mga “orchestrated moves” na naglalayong dungisan ang kanyang reputasyon, kaugnay ng inilunsad na hakbang laban sa mga “scalawag” sa kawanihan.
Sa isang liham kay Pangulong Ferdinand Marcos Jr., hindi inilahad ni Santiago ang dahilan sa likod ng pagbibitiw sa pwesto. Gayunpaman, nagpasalamat ang retiradong huwes pagkakataon pamunuan ang NBI.
“With my experiences as a former police officer, prosecutor and judge, I steered the Bureau with my best leg forward— regaining the trust and confidence of the Filipino people (and) the media with the Bureau,” saad sa isang bahagi ng “irrevocable resignation” ni Santiago kay Marcos.
“However, detractors and those who have sinister interest in my position incessantly make moves to blemish my reputation. Those covert moves started when I tendered my courtesy resignation in response to your call. To my mind, lies, if repeated over time, will give a semblance of truth,” dagdag pa niya.
Hindi umano niya kailanman papayagan sirain ng mga nangangarap maupo bilang NBI chief ang mga paninira sa kanyang pagkatao.
Wala pang pahayag ang Palasyo sa pagbibitiw ni Santiago. (ITOH SON)
