Romer Butuyan 
“FAILURE to participate in the hearings before the Committee on Justice is tantamount to a culpable violation of the Constitution.”
Ito ang bulalas ni House Justice Committee chairperson at Batangas 2nd District Rep. Gerville “Jinky Bitrics” Luistro sa pambungad na pahayag sa unang araw ng ‘clarificatory hearing’ sa dalawang impeachment complaints na kinakaharap ni Vice President Sara Duterte.
“The Vice President has been invited to participate… she is, apparently, ready to face the accusations and defend herself at length. And yet—it appears she will not even participate,” patutsada ni Luistro.
Batay aniya sa mga naunang impeachment proceedings, ang hindi pagdalo ng alinman sa dalawang panig ay may kaakibat na implikasyon.
“Ang tanong ngayon, maaari rin ba nating sabihin ito sa Bise Presidente?”
“Ang inaasahan ng taumbayan, hindi pag-iwas—kundi pagharap. Hindi katahimikan—kundi pananagutan,” dugtong ni Luistro.
Sinabi ng Batangas lawmaker na ang pagtanggi ni Duterte sumailalim sa proseso ay daragdag sa malaking katanungan, at indikasyon ng pagbalewala sa tiwala ng taumbayan, na kabilang sa mga Articles of Impeachment na nakapaloob sa reklamo.
Sa kabila naman aniya ng pang-iisnab ng pangalawang pangulo, ipagpapatuloy ng komite ang mga pagdinig.
“Regardless of the participation of the Vice President… this Committee will proceed. We will do our duty—with resolve, without hesitation, and without delay.”
