admin 
PANIBAGONG anim na taon ang hihintayin ng mga pumupustura para sa inakalang mababakanteng pwesto sa National Bureau of Investigation (NBI), matapos palawigin ni Pangulong Ferdinand Marcos Jr. ang termino ng 65-anyos na NBI director Medardo de Lemos.
Sa isang memorandum order ng Palasyo na pirmado ni Executive Secretary Lucas Bersamin, pinalawig pa ang serbisyo ni De Lemos bilang NBI director batay sa rekomendasyon ni Justice Secretary Jesus Crispin Remulla.
“In view of the foregoing, Mr. De Lemos, who holds a coterminous appointment as Director (Director VI) of the NBI, is considered automatically extended in service upon reaching the compulsory retirement age of sixty-five years (65) on June 8, 2023, until the expiry date of his appointment, which is until the end of the President’s term, unless his service is terminated earlier,” saad sa memorandum na nagmula sa Executive Secretary.
Ang NBI ay nasa ilalim ng Department of Justice (DOJ).
Si De Lemos, isang abogado mula sa University of the Philippine College of Law noong 1983 ay higit na kilala bilang seasoned career officer na nagmula sa iba’t ibang larangan ng pamamahala sa nakalipas na 40 taon.
