Romer Butuyan 
SA unang 50 araw pa lang ng operasyon, nakapagbahagi na ng hindi bababa sa P171.5-milyong halaga ng tulong ang “’Suporta sa Bayan Desk” sa 3,592 indibidwal.
Base sa SBD accomplishment report mula Marso 18 hanggang Hunyo 22, pumalo na sa 3,738 request ang na-proseso, kabilang ang 3,103 dulog ng walk-in constituents at 635 na inindorso ng mga mambabatas ng Kamara.
Sa nasabing panahon, hindi bababa sa 72 indibidwal ang lumalapit sa SBD kada araw. Sa kabuuan, 96 porsyento ng mga hiling ang inaprubahan. Sa kabuuan, umabot na P 171,498,700 na ang natanggap na ng mga dumulog.
“Every single one of those 3,592 approvals is a Filipino family that didn’t have to go home empty-handed, patients who can now afford their medicines, their dialysis, their operation,” wika ni House Speaker Faustino Dy III.
“Kapag may lumalapit sa gobyerno na nangangailangan ng tulong, hindi dapat sila pinapahirapan. Ang gusto natin ay mas mabilis, mas maayos, at mas makataong serbisyo. Iyan ang layunin ng Suporta sa Bayan Desk,” dagdag ng lider ng KAmara.
“When we established the Suporta sa Bayan Desk, this House would be a House of the People — ‘Alagang Kongreso’ — and in 50 days, PHP 171 million in real help was delivered to many of our kababayan who are in need. That is what public service looks like,” dugtong ni Speaker Dy.
Buwan ng Marso ng inilunsad nina Dy at House Majority Leader Sandro Marcos ang SBD one-stop facilitation center ng Kamara.
Samantala, pinuri ni Marcos ang 96 percent approval rate ng SBD, na patunay lamang aniya na ang Kongreso ay maaaring magsilbing frontline partner sa paghahatid ng social services, at ang unang accomplishment ng programa ay higit sa kanilang inaasahan.
“A 96-percent approval rate is not just a statistic — it is a guarantee that when someone who needs help enters the doors of SBD, they leave with a fighting chance,” sabi pa ni Marcos.
“The achievement of SBD in its first 50 days of operation underscores the solid commitment of the House of Representatives to making government aid faster, more compassionate, and more accessible to our people.”
