.. 
DAHIL higit na nakatuon sa katotohanan at ebidensya sa isinasagawang imbestigasyon, kumbinsido si former Speaker Martin Romualdez (Leyte 1st District) na mas mainam na ang Independent Commission for Infrastructure (ICI) na lang ang tumalakay sa sinasabing fund insertions sa mga flood-control projects.
Kasabay nito, binigyan-diin ni Romualdez na handang siyang makipagtulungan sa ICI sa hangaring mailabas ang tunay na pangyayari at maresolba ang alegasyon ng malawakang katiwalian sa nasabing uri ng proyekto ng gobyerno.
“Sa ngayon po, it’s about facts and evidence and hindi lang political noise or speculations kaya the ICI commissioners were able to ask me many questions and I was able to answer them, and I feel very, very happy and I welcome this opportunity,” saad pa ni ng Leyte lawmaker sa panayam ng mga media matapos ang kanyang pagdalo sa ICI probe.
“I’m very glad that I was invited to the ICI to share my personal knowledge on the budget process and, of course, any information about the insertion on the flood control, that is the basis of my invitation,” dagdag ni Romualdez.
“I want to talk to the ICI in its investigation, to support the investigation, and the fact-finding to resolve the issues surrounding the concerns of the ICI,” sambit ng nag-resign na House Speaker.
Nagpahayag din si Romualdez ng kahandaan na muling humarap sa ICI sakaling muli siyang maimbitahan ng fact-finding body na binuo ni Pangulong Ferdinand Marcos Jr.
Samantala, nilinaw naman ng mambabatas na wala naman siyang natatanggap na pormal na imbitasyon mula sa Department of Justice (DoJ) kaugnay pa rin sa pagdadawit sa kanyang budget insertions at pagtanggap umano ng kickbacks mula sa flood control projects. (ROMER R. BUTUYAN)
