admin 
KASABAY ng masidhing pakikidalamhati sa naulilang pamilya, nagpahayag ng matinding galit si House Speaker Martin Romualdez sa aniya’y malupit at walang saysay na karahasan matapos paslangin ng hindi pa nakikilalang salarin si Director Mauricio “Morrie” Pulhin, na tumatayong chief of technical staff ng House Committee on Ways and Means.
Batay sa imbestigasyon ng Quezon City Police District (QCPD), pinaslang ng dalawang hindi pa nakikilalang lalaki si Pulhin habang nagdiriwang ng Father’s Day sa loob ng sariling tahanan sa Commonwealth, Quezon City.
Kaya naman nanawagan si Speaker Romualdez sa Philippine National Police (PNP), National Bureau of Investigation (NBI), at iba pang law enforcement agencies na magsagawa ng malalim, patas at mabilisang pagsisiyasat upang mabigyan ng hustisya ang biktima.
“While it is too early to determine the motive behind this heinous crime, we call on the Philippine National Police (PNP), the National Bureau of Investigation (NBI), and all law enforcement agencies to conduct a thorough, impartial, and swift investigation. All angles must be pursued—including, but not limited to, his professional affiliations—so that the truth may come out and justice may be served,” pahayag ng lider ng Kamara.
“To Director Pulhin’s family: we offer our deepest condolences. We stand with you in this time of unimaginable pain. And we will do everything in our power to ensure that those responsible—whether gunmen or masterminds—are identified and prosecuted to the fullest extent of the law,” dugtong ni Speaker Romualdez.
Hinimok naman ng lider ng Kamara ang mga bumubuo ng House Secretariat at ang kalahatan ng Congressional family, na tulad niya ang nararamdaman, magkaisa at gamitin ang lakas para mahigpit na hilingin ang hustisya hindi lamang para kay Pulhin kundi maging sa iba pang Pilipino na biktima ng walang-saysay na karahasan.
“This crime must not go unanswered. Justice must prevail.” (ROMEO ALLAN BUTUYAN II)
