.. 
KINUMPIRMA ng Department of Justice (DOJ) na pansamantalang pinalabas ng kulungan ang kontratistang si Sara Discaya upang dumalo sa pagdinig ng isang kasong kinakaharap sa Malabon City Prosecutor’s Office.
Ayon kay Atty. Polo Martinez na tumatayong tagapagsalita ng kagawaran, humingi umano ng permiso si Discaya na makalabas muna sa piitan ng National Bureau of Investigation (NBI) para dumalo sa patawag ng City Prosecutor’s Office kaugnay ng kasong isinampa ng lokal na pamahalaan ng Malabon.
Aniya, hindi pwede balewalain ang kanyang kahilingan para sa kanyang pagsusumite ng kontra-testimonya kaugnay ng hindi tinukoy na kasong kinakaharap sa naturang lungsod.
“Sarah Discaya has a scheduled hearing before OCP Malabon in relation to a case filed against her by the City Government of Malabon. She requested the NBI for temporary release to attend the hearing and to secure all documents necessary,” wika ni Martinez. (JULIET PACOT)
