Hospital detention ni Romualdez, tablado

TINABLA ng Sandiganbayan ang hirit ni former House Speaker Martin Romualdez na mailipat sa isang government hospital.

Sa pagbasa ng sakdal, hayagang tinanggihan ng Sandiganbayan Third Division na pinamumunuan ni Associate Justice Karl Miranda, dahil sa lack of merit.

Bagamat hindi lumutang sa korte, nagpasok naman ng “not guilty plea” ang dating lider ng Kamara sa pamamagitan ng video conference.

Ayon kay Miranda, walang dahilan upang pagbigyan si Romualdez batay na rin aniya sa resulta ng pagsusuri ng mga dalubhasa mula sa Philippine General Hospital kamakailan.

Ayon sa mga doktor, “stable” na ang kondisyon ni Romualdez at hindi na kinakailangan pang i-confine.

“It must be emphasized that a mere invocation of ill health is not sufficient for the accused’s continued confinement in the hospital,” ani Miranda.

Sa mosyon ng kampo ni Romualdez, partikular na tinukoy ang napiling paglilipatan — sa Veterans Memorial Medical Center sa Quezon City.

“There is no imperative necessity as of now for his transfer in a tertiary hospital,” dagdag ni Miranda.

Noong Setyembre 7, naglabas ang Sandiganbayan Third Division ng warrant of arrest laban kay Romualdez, dating Ako Bicol party-list Rep. Zaldy Co at dalawang iba pa kaugnay ng P7.4 bilyong plunder case.

Lunes pa ng nakalipas na linggo nasa ospital ang kongresista bunsod ng umano’y karamdaman.