Romer Butuyan 
SAKLAW ng kapangyarihan ng senado na tumatayong impeachment court ang pagpapakulong sa mga isnaberong testigo – kabilang ang tinaguriang “hostile witnesses.”
“The impeachment court has the power to compel people to attend them and to set them in contempt if they continue to refuse to heed such directive,” wika ni House legal spokesperson Atty. Benjamin “Jay” Tolosa Jr. sa isang online press conference.
Batay sa Senate impeachment rules, ang pag-cite in contempt sa isang hostile witness ay maaaring maging katumbas ng pagpapakulong sa huli para matiyak ang pagdalo kapag ipinatawag sa araw ng paglilitis.
“Yes. Otherwise, the power to issue subpoena will have no teeth, will have no meaning,” dugtong ni Tolosa.
Gayunpaman, nilinaw ni Tolosa na may sapat na ebidensya ang prosekusyon para panindigan ang inihaing Articles of Impeachment sakaling hindi maisalang sa witness stand ang mga inanyayahan testigo.
“But in that case, even if they will not be presented, we will still have other evidence to prove the articles of impeachment,” ayon pa kay Tolosa.
Sa panig ni Lanao Rep. Zia Alonto Adiong, na isa rin sa prosecution spokespersons, kinokonsidera at pinaghahandaan naman ng tagausig ang anumang magaganap sa mismong trial proper, kabilang ang hindi pagsipot ng ilang testigo.
“Yung mga contingency on what might happen, these are part of the discussion in the realm of possibility, which I believe the House Prosecution Team would be cautious about and the House Prosecution Team will respond to the actual occurrences during the trial,” giit ni Alonto Adiong.
“So let’s see kung anong mangyayari sa actual trial na ‘yan. But definitely the House Prosecution Team, sinasabi po natin ready po tayo sa ating mga ebidensya, sa pag-prepresenta ng mga testimony ng mga witnesses that would also include the possible occurrences or events that might happen during the actual trial.”
