.. 
Ni ROMEO ALLAN BUTUYAN II
BISTADO na ng Kamara de Representantes ang dahilan kung bakit alam ng Chinese Coast Guard ang bawat hakbang ng Pilipinas sa usapin ng West Philippine Sea.
Sa pagdinig ng House Committee on Transportation hinggil sa PCG Reform Bill, inamin ni Commandant Admiral Ronnie Gavan na nakalusot sa kanilang hanay ang 36 na espiyang nagbabato ng impormasyon sa bansang China.
Gayunpaman, nilinaw na Gavan na tinanggal na nila ang mga 36 na miyembro ng auxiliary force dahil na rin sa kawalan ng national security clearance.
Kabilang aniya sa mga dayung Tsino ay may ranggong brigadier general.
“We did conduct an investigation. We went through intelligence and national security agencies of the [Philippine government], and we have delisted 36 of them,” ani Gavan sa komite.
“We did check on their compliance and standards [we have] set [for them], and we found out that they did not comply so we initiated their delisting. They are now delisted,” dugtong pa ng opisyal.
Nang tanungin kung kailan pa nagsimulang makapasok ang mga espiya, sinabi ni Gavan na sa ilalim pa ng nakaraang administrasyon.
Palaisipan naman kay Surigao del Norte Rep. Robert Ace Barbers ang dahilan kung bakit pinayagan makapasok PHilippine Coast Guard ang mga banyagang Tsino gayung batid naman di umano ng pamahalaan may hidwaan sa bansang China hinggil sa West Philippine Sea.
“Are foreigners like the Chinese, especially the Chinese, allowed to become members of the auxiliary force of our Coast Guard? These Chinese served as auxiliary members of our Coast Guard for two, three years… they may be performing spying duties in the guise of being auxiliary force members,” ani Barbers.
Target ni Barbers magsulong ng mas malalim na imbestigasyon para matukoy ang kung sino ang nagbigay pahintulot sa pagpasok ng mga Tsino sa Philippine Coast Guard.
“We have to backtrack and find out who are the PCG personnel involved in recruiting these members because this is a national security issue. If we are infiltrated by these Chinese, then it will render our Coast Guard and Armed Forces useless. Somebody, somehow, somewhere, allowed them to be members of the auxiliary force,” pagtatapos ng kongresista.
