
LIMITADONG diversity, mababang produksyon at matamlay na high-value agri-business ang nagtulak sa isang prominenteng mambabatas na maghain ng isang panukalang naglalayon isulong ang paggamit ng biodegradable waste sa organic farming ng mga tinaguriang ‘high-value crops.’
Sa kalatas ni Sen. Cynthia Villar, partikular na pinuna ang tila matamlay na implementasyon ng Republic Act 7900 (High-Value Crops Development Act of 1995) sa nakalipas na 28 taon, kasabay ng pag-amin na matatagalan pa bago makamit ang punong-dahilan sa paglikha ng naturang batas.
Ayon kay Villar, ipinasa ang batas upang pagsalit-salitin ang crop production at isulong ang pag-unlad ng agribusiness value chain.
“High-value crops refer to crops that have defined a regular or niche market or have potential domestic and/or export markets, or command high prices, whether in fresh or processed form,” wika ng chairperson ng Senate Committee on Agriculture and Food.
“High-value crops provide higher net returns per hectare or crops that have competitive returns on investments,” paliwanag pa ng senador.
Mungkahi ni Villar, isulong ang organic farming na gumagamit ng biodegradable waste (basurang nabubulok) sa hanay ng mga high-value crops.
Sa lungsod ng Las Piñas aniya, may 89 composting facilities na ginagamit ang Villar Sipag Foundation – bukod pa sa 50 iba pa sa Vista Land (na pag-aari ng pamilya Villar) sa iba’t ibang panig ng bansa.
Ibinida pa niya, may kakayahang lumikha ng 139 toneladang ‘compost’ ang bawat isang composting facility kung saan pwedeng humingi (walang bayad) ng alternatibong abono sa lupa ang mga magsasaka at gardeners sa buong kapuluan.
“The National High Value Crops Program has been with me in promoting composting. They have been distributing shredders and composting machines through the Bureau of Soils and Water Management to farmers to process their kitchen, garden, and farm waste to improve soil fertility to correct the degradation of our soils.”
Bago pa sumipa ang pandemiya, isinusulong na ni Villar ang ‘Home and School Vegetable Gardening’ sa Las Piñas.
“During the pandemic until now. I’m doing it nationwide. Vegetables are efficient to generate cash even from a small plot of land in a short period of time and help farmers to improve their livelihood. In urban areas I have been encouraging community gardens.”