.. 
KAWALAN ng matinong plano at pakikipag-ugnayan ang nakikitang dahilan sa likod ng krisis na dulot ng rehabilitasyon ng pinakamahabang tulay sa Pilipinas — ang San Juanico Bridge.
Panawagan ni House Assistant Majority Leader at TINGOG partylist Rep. Jude Acidre sa lahat ng mga kinauukulan, magtulungan at magpatupad ng konkretong hakbang para tugunang ang transportation at economic crisis dahil na rin sa “kanya-kanyang pabibo” ng mga ahensya ng gobyerno.
“We need to work together—not in silos, not in press releases, but in action,” ang mariing pahayag ni Acidre sa kanyang privilege speech sa plenaryo ng Kamara de Representantes.
“They need to set up interim transport solutions, fast-track permits, manage port congestion, prevent overpricing, provide basic support to stranded motorists, and ensure our medical and food supply chains don’t collapse,” dagdag niya.
Ayon kay Acidre, kailangan magkaroon ng malinaw at agarang solusyon, hindi ang kalimitan “bureaucratic delays” o “piecemeal responses.”
“We’re facing escalating freight costs, longer transit times, looming economic slowdown, reduced investor confidence, and potential ripple effects on food security and health logistics nationwide. This demands an urgent, no-excuses economic mitigation plan—one that treats this with the same urgency we reserve for natural disasters,” anang partylist solon.
Binigyang papuri naman ng ranking House official ang naging tugon ng ilang local stakeholders, na hindi na umano naghintay pa ng kumpas mula sa national government, partikular si Samar Governor Sharee Ann Tan at ang Eastern Visayas Regional Development Council na nagsagawa ng emergency meeting para bumuo ng paunang solusyon sa naturang problema.
Maging ang ‘proactive role’ ng business sector ay binanggit ng mambabatas, gaya ng Philippine Chamber of Commerce and Industry Tacloban-Leyte, ang Tacloban Filipino-Chinese Chamber of Commerce, ang constructors association, at maging drugstores association, na aniya, “who did not only raise the alarm, but also rolled up their sleeves to help craft solutions.”
Subalit labis naman ang pagkadismaya ni Acidre sa ilang national government agencies na tila hindi umano gumawa man lamang ng plano o nabigong malaman ng maaga ang magiging epekto ng San Juanico Bridge rehabilitation works.
“Let me be clear: the people of Eastern Visayas are not angry because the bridge is being repaired. We welcome this rehabilitation. What we cannot accept is the insensitivity—the utter disregard—of those entrusted to plan this repair,” litanya ng kongresista.
Kaya naman giit ni Acidre, agarang pagkakaroon ng “well-coordinated, well-resourced, and time-bound economic mitigation plan” kasama na ang pagpapalabas ng emergency funds at pagpapanagot sa mga pumalpak na tanggapan ng gobyerno
“This is no longer just a regional issue, the whole country should pay attention—because the failure to act decisively here could be a preview of what happens when we let planning failures spiral into national crises.” (ROMEO ALLAN BUTUYAN II)
