admin 
LIMANG pasahero ang sugatan nang bumangga ang isang bus sa rehas matapos nitong iwasan ang sasakyan ng pulis na papasok sa Edsa bus way nitong Miyerkoles ng hapon, ayon sa Department of Transportation (DOTr).
Nagtamo ng mga bukol at gasgas sa katawan ang mga biktima at pinalabas din matapos gamutin.
Base sa CCTV footage, nakitang binagtas ng bus ang Edsa busway nang biglang may sumulpot na sasakyan ng pulis na pumasok sa busway, at muntik nang mabangga ang bus.
Iniwasan ng bus ang sasakyan ng pulis at tumama sa bakod ng Metro Rail Transit Line 3 (MRT-3) sa Santolan Station southbound.
Dahil dito, pinaalalahanan ng DOTr ang mga motorista na may awtorisadong sasakyan na gamitin ang EDSA busway na mag-ingat at unahin ang kaligtasan ng kanilang mga pasahero.
