KAMUNING FLYOVER SOUTH BOUND, SARADO MUNA

Ni LILY REYES

ASAHAN ang mabigat na daloy ng trapiko bunsod ng nakatakdang pagsasara ng southbound lane ng Kamuning Flyover sa kahabaan ng EDSA sa bahaging sakop ng Quezon City.

Sa kalatas ng Metropolitan Manila Development Authority (MMDA), nakatakdang isara ang EDSA-Kamuning flyover South bound sa Abril 25 upang bigyang-daan ang pagkukumpuni ng naturang istraktura.

Gayunpaman, nilinaw ng MMDA na nakikipag-ugnayan na ang ahensya sa Department of Public Works and Highways (DPWH), PNP Highway Patrol Group, Quezon City government at pamunuan ng mga apektadong barangay para sa alternate route na pwedeng gamitin ng mga motorista.

Nahahati sa dalawang phase ang proyekto. 

Sa Phase One na tatagal ng tatlong buwan, mananatiling bukas ang bus lane bagamat sarado ang private lane. Sa Phase Two, sarado ang bus lane habang bukas ang private lane.